Жаратылышты коргоо жана таштанды көйгөйлөрүн чечүү максатында 6-класстардын окуучулары жана класс жетекчилери тарабынан долбоор өткөрүлүүдө

Жаратылышты кантип коргойбуз жана аны кантип таштадыдан арылтып сактайбыз?  Мына ушул көйгөйлөрдүн үстүнөн иш алпаруу максатында  Н.  Жүндүбаева атындагы мектеп гимназиясынын 6-класстарынын  окуучулары жана класс жетекчилери тарабынан долбоор өткөрүлүп жатат. Бул долбоордун негизги максаты жаратылышты таштадыдан тазалоо, окуучуларды жаратылышка аяр мамиле жасоого үндөө болуп саналат. Ишчарада  балдар башталгыч класстын окуучуларына жана жогорку класстын окуучуларына беш этаптан турган линейкаларды өткөрүштү. Алдыда мектеп мугалимдерине жана техникалык кызматкерлерге дагы өтүп берүү тууралуу сунуштар түшүүдө. Линейканын жүрүшүндө окуучулар долбоор жөнүндө түшүнүк беришип анын иштери менен тааныштырышат. Жалпы линейкага катышып жаткан окуучуларга тазалык, жаратылыш тууралуу суроолорду  узатуу менен долбоордун ишине аралаштырып тартышат, Кыргызстандагы жаратылыш көйгөйлөрү жана таштанды көйгөйлөрү биздин жашообузду эмнеге алып келет деген глобалдуу суроонун үстүндө иштешет.

Долбоорду уюштуруучалырдын бири 6-г класстын класс жетекчиси Солталиева Бааркүл долбоор боюнча мындай деди. «Биз 6- класстар  «Ынтымактуу, демилгелүү, ыктыярдуу келечек жаштар муундары» деген 7 жылга түзүлгөн долбоорду 2018-2019-жылдын апрель айында баштаганбыз. Билинбей эле убакыт тез өтүп экинчи жылдын жүзү болду. 6-класстар арасындагы ынтымакты бекемдөө ирээтинде «Ынтымак жакшы ырк жакшы. Ийгиликтүү журт жакшы» деген ууран менен иштейбиз. Быйыл долбоордун 2-этабынын 1-темасында биз сиздер менен бирдикте иш алып барууну чечтик. «Жаратылышты коргоо жана таштанды көйгөйлөрүн чечүү». Бул ишеничти колдоп, биз менен бирге ынтымакта эң жакшы ийгиликтерди жаратабыз деген ойдобуз».

Мына ушундай алгылыктуу иштер аткарылып жаткан чакта, демилгелүү окуучулар бар кезде, жаратылышыбыз аяр сакталат деген ойдо, долбоордун аткаруучуларына ийгилик каалайбыз.