Технология секциясынын көргөзмөсү!

Технология секциясы тарабынан уюштурулган кол өнөрчүлүк жана сүрөт көргөзмөсү болуп өттү. Көргөзмөгө коюлган ар бир буюм окуучулардын кол өнөрчүлүгү менен жасалды. Ал жерде кийизден жасалган , токулган, азыркы замандын талабына ылайык ар кандай материалдардан жасалган буюмдар коюлду. Ал эми эркек балдардын колунан жасалган өрүлгөн ноктолор, кайыштан оюп жасалган картиналар, боз үйдүн макеттери көрүүчүлөрдү кайдыгер калтырган жок.
Көргөзмөдө сүрөт тартканга шыктуу окуучулардын дагы сүрөттөрү илинди. Бул сүрөттөрдү көрүп кадимки эле сүрөтчүлөр таркан кол эмгектей элес калтырып жаткандыгы баарыбызды кубандырат. Демек мектебибизде бир гана билим менен өзүн көрсөткөн окуучулар эмес колунан көөрү төгүлгөн уз, чебер уста, кыл калемде кол ойноткон өнөрпоздор да тарбияланып жаткан экен!!!!