Биздин бүтүрүүчү-дүйнөлүк деңгээлдеги жаш дипломат.
Мектебибизде билим алып кеткен ийгиликтүү окуучуларыбыздын бири Акмарал Ибрагимова Европада окуп, Кореяда өткөн MUN конференциясына катышты.
“Түштүк Кореяда өткөн эл аралык MUN (Model United Nations) конференциясына катышып, Кыргыз Республикасын өкүлчүлүк кылуу мен үчүн чоң сыймык жана баа жеткис тажрыйба болду.
Бул иш-чара мага коом алдында ишенимдүү сүйлөөнү, өз позициямды так жана жүйөлүү коргоону, ошондой эле дипломатиялык деңгээлде баарлашууну үйрөттү. Ар кайсы өлкөлөрдөн келген жаштар менен бирге дүйнөлүк маселелерди талкуулап, дебаттарга активдүү катыштым.
Конференциянын өзгөчө эстен кеткис учуру — кыргыз элдик бийин аткарып, улуттук маданиятыбызды тааныштыруу болду. Бул аркылуу Кыргызстаныбыздын бай салт-санаасын жана маданий мурасын эл аралык деңгээлде көрсөтө алдым.
Мындай мүмкүнчүлүк өлкөмдү жана окуу жайымды татыктуу деңгээлде таанытууга өбөлгө түзгөнүнө абдан кубанычтамын”,- дейт окуучубуз.
Акмарал, окууңа ийгилик каалайбыз! Дайым биздин сыймыктуу окуучуларыбыздын катарын толуктап жүрүшүңө ишенебиз 
Комментарии