2020-жылдын 20-21-август күндөрү Нинакан Жүндүбаева атындагы мектеп-гимназиясында Солталиева Бааркул, Байбосунова Айзада , Таныскожоева Миргүл, Нурланбек кызы Жанара, Мааткалымова Элиза волонтерлук кызмат аткарышып, мектептин мугалимдерине “Салттуу жана санарип окутуу (дистанттык окутуу) заманбап билим берүү чөйрөсүндө” деген темада семинар өткөрүштү.
Семинардын максаты:
- Салттуу жана санарип окутуунун айырмачылыктарын жана өзгөчөлүктөрүн аныктоо.
- Санарип окутуунун форматтары менен тааныштыруу.
- 2020-2021-окуу жылына түзүлгөн санарип окутуунун пландары менен тааныштыруу.
Өтүлгөн семинар мугалимдер үчүн абдан кызыктуу болду. Терминдер жөнүндө түшүнүктөр берилди. Буга чейин колдонулган тиркемелер талкууланып, алдыда боло турган аралыктагы окутууда кантип билим сапатын жогорулатуу жана окуучуларды аралыктан кызыктырып сабак өтүү үчүн мугалим кандай компетенттүүлүктөргө ээ болуу керек деген маселе көтөрүлүп талкууланды. Жана ошол эле учурда салттуу жана санарип окутууну айкалыштырып алып кетүү тууралуу талкуу болуп, мугалимдер өз ойлорун ортого салышты.
Заманбап мугалим катары жана XXI кылымдын жаш муундарынын талабына жооп бергидей , келечек жашоонун гүлдөп өсүү талабына ылайык келе турган, агартуучу инсан катары кесиптик өнүгүүнү жогорулатуу үчүн кандай компетентүүлүккө ээ болушу керек? деп коюлган негизги суроого
- предметтик компетенттүүлүккө
- педогогикалык жана психологиялык компетенттүүлүккө
- технологиялык компетенттүүлүк
- XXI кылымдын заманбап окутуудагы компетенттүүлүккө ээ болуу керек экендигине ынанышты.
Ал эми бул семинардын уюштуруу себеби тууралу мектеп жетекчиси Турсуналиев Тынчтыкбек Иманалиевич буларга токтолду:
“Буга чейин мектептин жетекчилиги тарабынан 4-чейректеги аралыктан окутуу боюнча сурамжылоо жүргүзүлүп, анын жыйынтыгында пайда болгон кемчиликтерди, кыйынчылыктарды аныктап, жаңы окуу жылында кайталабоо максатында семинар уюштурулду. Мындан ары кесибибизде кандай кыйынчылыктар болсо дагы технологиянын өнүккөн заманында билим берүүнү үзгүлтүккө учуратпастан алга жыла беребиз” .
Бул семинар жалпы мектеп мугалимдердин 3 топко бөлүү менен өткөрүлөт. Бул жаңы окуу жылына даярдык болуп эсептелет.
Жыйынтыгында семинарга катышкан ар бир мугалим өзүнө пайдалуу маалымат алышты.
Комментарии