STEAM Караван-2025, «Илимдеги кыздар» долбоорунун негизинде иш-чара өттү
Бүгүн, 5-мартта мектебибизде STEAM Караван-2025, «Илимдеги кыздар» долбоорунун негизинде иш-чара өттү.
Ага Япония өлкөсүнөн кыздардын билим алуусун колдоп келген компаниянын, UNICEF уюмунун өкүлдөрү, Кочкор райондук администрациясынын мүчөлөрү, Билим берүү бөлүмүнүн башчысы, жергиликтүү кеңештин депутаттары жана райондун окуучулары катышышты.
Иш-чарада окуучулардын макеттери жана эксперименттери көргөзмө аркылуу көрсөтүлдү.
Япониялык Наома Каваниши окуучулардын чыгармачылыгы ага жакканын айтты:
«Биз Кыргызстанга көп жылдан бери келгибиз келчү, максатыбызга UNICEF аркылуу жеттик. Биз кыздарга колдоо көрсөтүү үчүн келдик. Мага балдардын чыгармачылыгы, макеттерди жана моделдерди жасагандары абдан жакты. Убакыт бөлгөнүңөр үчүн рахмат».
Ал эми UNICEF уюмунун өкүлү Самман Тапа Кыргыздын тоолоруна, кар баскан чокуларына, табятына суктанганын билдирип, долбоордун максаты балдарга келечекте жакшы мүмкүнчүлүктөрдү түзүү экенин айтты.
Билим берүү бөлүмүнүн башчысы Тынчтыкбек Турсуналиев япониялыктарды жана долбоордун жайылтуучуларын Райондук администрациянын ыраазычылык баракчалары менен сыйлап, ал эми иш-чаранын катышуучуларын Ак калпак майрамы менен куттуктап, төмөнкүлөргө токтолду:
«Сиздер менен жүз көрүшүп турганыбызга кубанычтабыз. 2023-жылдан бери «Илимдеги кыздар» долбоору ишке ашып, көп иштер жасалды. STEAM мугалимдери окуудан окушту. Кыздар дагы илимге кире аларын, алардын колунан да келерин далилденип турат».
Комментарии