Окуучуларыбыз ата-энелерине жылуу сезим тартуулашты

2024-жылынын 24-июлунда президент Садыр Жапаров Аталар күнүн жана Энелер күнүн белгилөө жөнүндө мыйзамына кол койгон.

Ага ылайык, 15-март Кыргыз Республикасында жыл сайын майрамдалуучу Аталар күнү, ал эми май айынын үчүнчү жекшембиси жыл сайын майрамдалуучу Энелер күнү деп белгиленген.

Өлкөбүздө Аталар күнүнө жана Энелер күнүнө арналган маалыматтык-агартуу кампаниясы өткөрүлүүдө.

Бүгүн, 11-мартта биздин да мектептин окуучуларынын арасында бул кампаниянын алкагында иш-чара өттү. Ага 2- жана 8-класстардын окуучулары активдүү катышышты. Анда окуучулар өзүлөрүнүн ата-энелерине телефон аркылуу жылуу сөздөрүн айтышты.

Ата-энелердин көпчүлүгүндө мындай көрүнүш таң калуу сезимдерин жаратса, окуучулардын көбү көздөрүнө жаш алышты.

Убакыттын тардыгына, ишибиздин көптүгүнө шылтоо кылбай, бири-бирибизге жылуу сөздөрдү ар бир күнү арнап турсак, бизди бактылуу, мээримдүү, сылык адамдар гана курчап турмак беле…