Облустук олимпиаданын жеңүүчүлөрүн, алардын мугалимдерин жана ата-энелерин сыйлоо аземи өттү

Бүгүн, 8-апрелде облустук олимпиаданын жеңүүчүлөрүн, алардын мугалимдерин жана ата-энелерин сыйлоо аземи мектебибизде өттү.

Окуучулар жана мугалимдер акчалай сыйлык менен сыйланышса, ата-энелерге ыраазычылык кат тапшырылды. Сыйлыктарга «Кочкор» коомдук кайрымдуулук фондунун жетекчиси Сапаров Каныбек Сайырбекович жана «Лекарь» жоопкерчилиги чектелген коомунун башкы директору Эсенбеков Жолдош демөөрчүлүк кылышкан.

1- жана 2-орундарды ээлеген окуучуларга жана мугалимдерине 5 миң сомдон, 3-орунду багындырган окуучулар менен мугалимдерине 2 миң сомдон тапшырылды.

Эскерте кетсек, 3 окуучубуз 1-орундуктарды багындырышкан:

1. Бактыбеков Даниял, мугалими Султаналиева Гулбарчын.

2. Замирбеков Данияр, мугалимдери Рахимова Лира, Абдыбекова Гулина.

3. Шайырбекова Рабия, мугалими: Касымалиева Жылдыз.

2-орунду ээлеген төрт окуучубуз:

1. Бектурганов Үмөт 10-«В» класс, мугалими Тезекчиева Эльмира.

2. Сатаркулова Элеонора, мугалими Токтоболотова Дамира.

3. Темирбекова Алия, мугалими Асанова Жанара.

4. Майрамбекова Алтынай, мугалими Касымалиева Жылдыз.

Ал эми 3-орунду алган бир окуучубуз Суранчиев Дастан, мугалими Тезекчиева Эльмира.

Сыйлык ээлерин куттуктайбыз, дагы да бийиктиктерди багындырышыңарга тилектешпиз.

Ошондой эле, районубуздун билим берүү бөлүмүнүн мурунку башчысы, учурда Нарын шаарынын билим берүү бөлүмүнүн жетектеген Турсуналиев Тынчтык агайга демөөрчүлөрдү таап, сыйлоо аземинин өтүшүнө кошкон чоң салымы үчүн ыраазычылык билдиребиз.