Жаратылышты изилдөө, жаратылышты сүйүү, жаратылышка жакындоо

«Жаратылышты изилдөө, жаратылышты сүйүү, жаратылышка жакындоо. Бул эч качан көңүлүңүздү түшүрбөйт.» Деп Фрэнк Ллойд Райт айткандай, баарыбыз жаратылышты сүйүп, ага аяр мамиле жасаганга үйрөнөлү. Себеби Жаратылыш каталарды эч качан кечирбейт.

Бугун биздин Н.Жундубаева атындагы мектеп-гимназиябызда табийгый илимдер усулдук бирикмесинин декадасынын алканында «Жаратылышты коргоо» аталышындагы конференция болуп өттү.

Конференциянын коноктору болуп, өздөрүнүн олуттуу ойлорун ортого салып

1) Кыргыз Герман экологиялык НАБУ уюмунун өкүлү Муктасынов Р.

2) Өзгөчө Кырдаалдарда Министрлигинин кочкордогу өкүлү

3) ЮСАИДдин атайын өкүлү Садыкова. С.

4) Кочкор жаштар кыймылынын лидери Тойтойев Э.

5) Экология боюнча бир нече проекттердин жеңүүчүсү, И Арабаев атындагы мектептин мугалими Бараканова С.

6) Кочкор айыл өкмөтүнүн катчысы Чоргоева С.

7) «Финка» банкынын кызматкери.

8) Т Курткаев атындагы коомдук фонддун менеджер.

9) «Мирбек Нур» коомдук фондунун жетекчиси Раев. А.

10) Туризм жана экология кыймылынын жетекчиси Нышанова Б. лар

Өз ойлорун ортого салышты.

Өтүлгөн конференциянын негизги максаты болуп, Кочкор районунун экологиялык проблемасын чечүү эсептелинет.

«Жаратылышты коргоо» конференциясында биздин мектептин 2017-жылы түзүлгөн «Булак» командасынын иш-аракеттери жана ийгиликтери жөнүндө сөз болду. Конференция мындан тышкары окуучуларды жаратылышты коргоого, мекенге болгон сүйүүнү күчөтүүгө да салымын кошту. Соңунда экологияны коргоо комитети түзүлүп, жетекчиси Эстен Тойтойев дайындалды.

Алдыда бул комитет республикалык деңгээлдеги экологиялык уюмдардын материалдык колдоосу менен биргеликте экологиялык жүрүштөрдү өткөрүүнү пландаштырышты. Конференциянын уюштуруучуларынын бир Алиев Руслан » Бүгүнкү конференция абдан жакшы деңгээлде өттү деген ойдомун. Кочкор жергеси үчүн абдан маанилүү конференция болду. Мындай жолугушуулар Кочкордо алгачкы жолу өтүлүп жатат. Мындан ары да бүгүнкү түзүлгөн комитет өз ишин мыкты улантышат деген ишеничтемин. Ал эми биздин мектептин » Булак» экологиялык кыймылын жетектеп жаткан класс жетекчилерге абдан ыраазымын. Экологияга тиешеси жок предметтерди окутушса дагы, жаратылышты коргоо, балдарды тарбиялап, жол көрсөтүп, 4 жылдан бери талыкпай иштеп келе жатышат» деп өз оюн билдирди.

Ал эми мектеп директору Тынчтыкбек Иманалиевич : » Бүгүнкү конференция чындыгында абдан жогорку деңгээлде уюштурулду. Табийгый илимдер усулдук бирикмесинин жана » Булак» экологиялык кыймылынын мугалимдерине жана окуучуларына абдан ыраазымын. Бүгүнкү конференциянын аркасында башка мектептердин тажрыйбалары менен алмаштык. Биргелешип иштөө сунуштары да киргизилди. » 

Жыйындын соңунда окуучулардын колунан жаралган турмуш тиричиликке керектүү буюмдардын жармаңкеси болуп, келген коноктор жана мектеп мугалимдери тарабынан сатылып алынды. Жарманкеден түшкөн каражатты мектептин айланасына таштанды урналарын коюга жумшала тургандыгын билдиришти.

Ушул сөздөргө кошулуп биз дагы биздин окуучуларды жаратылышты көздүн карегиндей коргоого чакырып кетет элек.

Макаланы даярдаган мектеп кабарчысы Мирлан кызы Сайкал.