Нинакан Жүндүбаева атындагы мектеп-гимназиясынын гимни
Сөзү, обону Тилекматова Багым
Окшошосун сен мөмөлүү даракка,
Ар жыл сайын кенен жайган бутагын.
Кереметтүү билимкана мектебим,
Өнөр-билим талантка бай кучагын.
Кайырма:
Алтын уям гимназиям,
Кадырын билем туям.
Бийиксин Ала-Тоодой,
Ар убак таазим кылам.
Ысмын алган Нинакан эжекемдин,
Билим ордо, акыл ордо мектебим.
Талбай билим-тарбияны алалы,
Көктө жанган топ жылдыздай жаналы.
Кайырма:
Алтын уям гимназиям,
Кадырын билем туям.
Бийиксин Ала-Тоодой,
Ар убак таазим кылам.
Канат күүлөп, сугарылып билимге,
Алыс кетсем ар убакта эстээрим.
Талант ордо, тарбия кен керемет,
Таалай үйү татынакай мектебим.
Кайырма:
Алтын уям гимназиям,
Кадырын билем туям.
Бийиксин Ала-Тоодой,
Ар убак таазим кылам.
Мектебимдин билим кенин казалы,
Ийне менен терең кудук казгандай,
Умтулалы жетишели максатка,
Тарбиянын терен сырын ачкандай.
Кайырма:
Алтын уям гимназиям,
Кадырын билем туям.
Бийиксин Ала-Тоодой,
Ар убак таазим кылам.
Сугарылып дайрасына билимдин,
Кубанабыз, шаттанабыз күлөбүз.
Тарбия ордо татынакай мектебим,
Сени менен сыймыктанып жүрөбүз.
Кайырма:
Алтын уям гимназиям,
Кадырын билем туям.
Бийиксин Ала-Тоодой,
Ар убак таазим кылам.